அறிவிப்புகள்

கோயம்புத்தூர் மாவட்டத்திலுள்ள, அரசு மருத்துவமனைகள், மற்றும் அரசு ஆரம்ப சுகாதார நிலையங்களில் காலியாக உள்ள செவிலியர் (Staff Nurse) பணியிடங்களுக்கு ஒப்பந்த அடிப்படையில் முற்றிலும் தற்காலிகமாக பணிபுரிவதற்கு தற்காலிக செவிலியர் (Staff Nurse) பதவிக்கு 686 விண்ணப்பங்கள் பெறபட்டதில் தகுதியற்றவை 16 விண்ணப்பங்கள் ஆகும். மீதமுள்ள 670 விண்ணப்பங்களில் விதிமுறைகளின் அடிப்படையில் தேர்வு செய்யப்பட்ட 141 செவிலியர்களின் பெயர் விவரங்கள் கீழ்கண்டவாறு வெளியிடப்படுகிறது.

கோயம்புத்தூர் மாவட்டத்திலுள்ள, அரசு மருத்துவமனைகள், மற்றும் அரசு ஆரம்ப சுகாதார நிலையங்களில் காலியாக உள்ள செவிலியர் (Staff Nurse) பணியிடங்களுக்கு ஒப்பந்த அடிப்படையில் முற்றிலும் தற்காலிகமாக பணிபுரிவதற்கு 05.10.2026 அன்று 141 செவிலியர்களுக்கு பணி நியமன ஆணை வழங்கப்பட்டது. அவ்வாறு பணி நியமன ஆணை வழங்கப்பட்டு, நாளது வரை பணியில் இணையாத செவிலியர் காலிப்பணியிடங்களை நிரப்பிடும் பொருட்டு காத்திருப்போர் பட்டியலில் முன்னுரிமை அடிப்படையில் 30 செவிலியர்களின் பெயர் விவரங்கள் வெளியிடப்படுகிறது.

கோயம்புத்தூர் மாவட்டத்திலுள்ள அரசு மருத்துவக் கல்லூரி மருத்துவமனைகள், அரசு மருத்துவமனைகள் மற்றும் அரசு ஆரம்ப சுகாதார நிலையங்களில் தற்காலிக செவிலியர் (Staff Nurse) பணியிடங்களுக்கு மொத்தம் 686 விண்ணப்பங்கள் பெறப்பட்டன. இதில் 16 விண்ணப்பங்கள் தகுதியற்றவையாக கண்டறியப்பட்டுள்ளன. மீதமுள்ள 670 விண்ணப்பங்களில் 161 விண்ணப்பங்களில் சான்றிதழ்கள்/ஆவணங்கள் விடுபட்டுள்ளன.

சம்பந்தப்பட்ட விண்ணப்பதாரர்கள், விடுபட்டுள்ள சான்றிதழ்கள்/ஆவணங்களின் சுயசான்றொப்பமிட்ட நகல்களை 03.10.2026 (சனிக்கிழமை) மாலை 5.00 மணிக்குள் நேரில் சமர்ப்பிக்குமாறு கேட்டுக்கொள்ளப்படுகிறார்கள்.

மாண்புமிகு தமிழ்நாடு முதலமைச்சர் அவர்களின் நல்வழிகாட்டுதலின்படி, சுற்றுலாத்துறையின் வளர்ச்சிக்காக பல்வேறு புதிய நடவடிக்கைகள் மேற்கொள்ளப்பட்டு வருகின்றன. தமிழ்நாடு சுற்றுலாத்துறை சார்பில் கடந்த 2022ஆம் ஆண்டு முதல் சுற்றுலா ஏற்பாட்டாளர்கள், சுற்றுலாத் தொழில் முனைவோர் மற்றும் தங்குமிட நிறுவனங்களுக்கு தமிழ்நாடு சுற்றுலா விருதுகள் வழங்கப்பட்டு வருகின்றன.

சிறந்த சுற்றுலா ஏற்பாட்டாளர், சிறந்த தங்குமிடம், சிறந்த உணவகம், சுற்றுலா ஊக்குவிப்பிற்கான சிறந்த மாவட்டம், சுத்தமான சுற்றுலாத்தலம், சிறந்த சுற்றுலா வழிகாட்டி, சிறந்த சாகச சுற்றுலா மற்றும் முகாமிடுதல் தளம் உள்ளிட்ட 13 பிரிவுகளில் விருதுகள் வழங்கப்படுகின்றன.

கோயம்புத்தூர் மாவட்டத்தைச் சேர்ந்த சுற்றுலாத்துறை சார்ந்தவர்கள் தகுதியான விருதுகளுக்கு 30.09.2026க்குள் www.tntourismawards.com என்ற இணையதளத்தில் விண்ணப்பிக்கலாம் என மாவட்ட ஆட்சித்தலைவர் திரு.பவன்குமார் க.கிரியப்பனவர், இ.ஆ.ப., அவர்கள் தெரிவித்துள்ளார்.

மாவட்ட நலவாழ்வு சங்கம், கோயம்புத்தூரில் – இயக்குநர்-பொது சுகாதாரம் மற்றும் நோய் தடுப்பு மருந்துத் துறை, இயக்குநர்-மருத்துவம் மற்றும் ஊரக சுகாதாரப் பணிகள் மற்றும் இயக்குநர்- மருத்துவக் கல்வி & ஆராய்ச்சி கீழ் உள்ள மருத்துவமனைகளில் காலியாக உள்ள பணியிடங்களுக்கு ஒப்பந்த அடிப்படையில் முற்றிலும் தற்காலிகமாக பணிபுரிவதற்கு தற்காலிக செவிலியர் (Staff Nurse) பதவிக்கு பூர்த்தி செய்யப்பட்ட விண்ணப்பங்கள் மாவட்ட நலவாழ்வு அலுவலகத்தில் 25.09.2026 அன்று மாலை 5 மணிக்குள் வரவேற்கப்படுகின்றன.

கோவை மருத்துவக்கல்லூரி மருத்துவமனைக்கு தமிழ்நாடு சுகாதார அமைப்புத் திட்டத்தின் கீழ் ஒதுக்கப்பட்டுள்ள PMJAY / ABDM களப்பணி உதவியாளர் பணியிடத்திற்கு ஒப்பந்த அடிப்படையில், முற்றிலும் தற்காலிகமாக பணிபுரிய தகுதியும் விருப்பமும் உள்ளவர்களிடமிருந்து விண்ணப்பங்கள் வரவேற்கப்படுகின்றன.

பூர்த்தி செய்யப்பட்ட விண்ணப்பங்களை கோவை மருத்துவக்கல்லூரி மருத்துவமனை முதல்வர் அலுவலகத்தில் 23.09.2026 அன்று மாலை 05.45 மணிக்குள் சமர்ப்பிக்குமாறு கேட்டுக்கொள்ளப்படுகிறது.

குழந்தைகள் நலன் மற்றும் சிறப்புச் சேவைகள் துறையின் கீழ் செயல்படும் கோயம்புத்தூர் மாவட்ட இளைஞர் நீதிக்குழுமத்தில் அமர்வு எழுத்தர், பதிவேடு எழுத்தர் மற்றும் அலுவலக உதவியாளர் என 3 தற்காலிகப் பணியிடங்கள் ஒப்பந்த அடிப்படையில் நிரப்பப்பட உள்ளன. தகுதியானவர்கள் 42 வயதிற்குட்பட்டவர்களாக இருக்க வேண்டும்.

தகுதியுள்ள விண்ணப்பதாரர்கள், விண்ணப்பப் படிவத்தை மாவட்ட குழந்தைகள் பாதுகாப்பு அலுவலர், மாவட்ட குழந்தைகள் பாதுகாப்பு அலகு, மாவட்ட ஆட்சியரகம், கோயம்புத்தூர்–18 என்ற முகவரிக்கு 22.09.2026 அன்று மாலை 5.30 மணிக்குள் வந்து சேரும் வகையில் சமர்ப்பிக்கலாம்.

கோயம்புத்தூர் மாவட்டத்தில் உள்ள மாவட்ட நலச் சங்கம் – தேசிய காசநோய் ஒழிப்புத் திட்டத்தின் கீழ் காலியாக உள்ள முற்றிலும் தற்காலிகமாக நுண்ணுயிரியலாளர்  (C & DST Lab) மற்றும் ஓட்டுநர் (நடமாடும் எக்ஸ்-ரே வாகனம்) பதவிகளுக்கு ஒப்பந்த அடிப்படையில் பணிபுரிய தகுதி வாய்ந்த நபர்களிடமிருந்து விண்ணப்பங்கள் வரவேற்கப்படுகின்றன.

கோயம்புத்தூர் மாவட்டத்தில் மாவட்ட நலவாழ்வு சங்கத்தின் கீழ், கோயம்புத்தூர் மாநகராட்சி அலுவலகம் , அரசு ஆரம்ப சுகாதார நிலையங்கள், கோயம்புத்தூர் மருத்துவக் கல்லூரி மருத்துவமனை மற்றும் பொள்ளாச்சி அரசு மருத்துவமனை ஆகியவற்றில் ஒப்பந்த அடிப்படையில் கீழ்க்கண்ட காலிப் பணியிடங்களுக்கு தகுதியான விண்ணப்பதாரர்களிடமிருந்து விண்ணப்பங்கள் வரவேற்கப்படுகின்றன.

• ஆய்வக நுட்புநர் நிலை-III (Lab Technician Gr-III) – 3 பணியிடங்கள்
• தொழில்சார் சிகிச்சையாளர் (DEIC) – 1 பணியிடம்
• மாவட்ட திட்ட மேலாளர் (District Programme Manager) – 1 பணியிடம்
• RMNCH+A ஆலோசகர் (பெண்கள் மட்டும்) – 2 பணியிடங்கள்
• உதவியாளர் மற்றும் தரவு உள்ளீட்டு இயக்குநர் (Assistant-cum-Data Entry Operator / DEO) – 1 பணியிடம்
• ULB-UHN/ANM – 75 பணியிடங்கள்
• தூய்மைப் பணியாளர் (Cleaner) – 2 பணியிடங்கள்

கோயம்புத்தூர் மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் தன்னார்வ பயிலும் வட்டம் மூலம் TNPSC, TNUSRB, TRB, TET, SSC, RRB, IBPS உள்ளிட்ட போட்டித் தேர்வுகளுக்கு இலவச பயிற்சி வகுப்புகள் மற்றும் மாதிரித் தேர்வுகள் நடத்தப்பட்டு வருகின்றன.

இப்பயிற்சி வகுப்புகளை நடத்த தகுதியும் அனுபவமும் உள்ள பயிற்றுநர்கள் தேவைப்படுகின்றனர். பயிற்றுநர்களுக்கு ஒரு மணி நேரத்திற்கு ரூ.800 மதிப்பூதியம் வழங்கப்படும்.

விருப்பமுள்ளவர்கள் தங்களது சுயவிவரக் குறிப்புடன் 07.09.2026க்குள் துணை இயக்குநர், மாவட்ட வேலைவாய்ப்பு மற்றும் தொழில்நெறி வழிகாட்டும் மையம், அரசினர் தொழிற்பயிற்சி நிலைய வளாகம், G.N. மில்ஸ், கோவை–29 என்ற முகவரியில் நேரிலோ அல்லது அஞ்சல் மூலமாகவோ விண்ணப்பிக்கலாம். மேலும் விவரங்களுக்கு 0422-2642388 என்ற எண்ணில் தொடர்பு கொள்ளலாம் என மாவட்ட ஆட்சித்தலைவர் திரு.பவன்குமார் க.கிரியப்பனவர், இ.ஆ.ப., அவர்கள் தெரிவித்துள்ளார்.