அறிவிப்புகள்

கோயம்புத்தூர் மாவட்டத்தில் மாவட்ட நலவாழ்வு சங்கத்தின் கீழ், கோயம்புத்தூர் மாநகராட்சி அலுவலகம் , அரசு ஆரம்ப சுகாதார நிலையங்கள், கோயம்புத்தூர் மருத்துவக் கல்லூரி மருத்துவமனை மற்றும் பொள்ளாச்சி அரசு மருத்துவமனை ஆகியவற்றில் ஒப்பந்த அடிப்படையில் கீழ்க்கண்ட காலிப் பணியிடங்களுக்கு தகுதியான விண்ணப்பதாரர்களிடமிருந்து விண்ணப்பங்கள் வரவேற்கப்படுகின்றன.

• ஆய்வக நுட்புநர் நிலை-III (Lab Technician Gr-III) – 3 பணியிடங்கள்
• தொழில்சார் சிகிச்சையாளர் (DEIC) – 1 பணியிடம்
• மாவட்ட திட்ட மேலாளர் (District Programme Manager) – 1 பணியிடம்
• RMNCH+A ஆலோசகர் (பெண்கள் மட்டும்) – 2 பணியிடங்கள்
• உதவியாளர் மற்றும் தரவு உள்ளீட்டு இயக்குநர் (Assistant-cum-Data Entry Operator / DEO) – 1 பணியிடம்
• ULB-UHN/ANM – 75 பணியிடங்கள்
• தூய்மைப் பணியாளர் (Cleaner) – 2 பணியிடங்கள்

கோயம்புத்தூர்  மாவட்ட வேலைவாய்ப்பு மற்றும் தொழில்நெறி வழிகாட்டும் மையம் மூலமாக வேலைவாய்ப்பற்ற இளைஞர்கள் பயன்பெறும் வகையில்  மாபெரும் தனியார்துறை வேலைவாய்ப்பு முகாம், 22.08.2026 அன்று காலை 8  மணியளவில் கோயம்புத்தூர் மாவட்டம் பொள்ளாச்சி மெயின் ரோடு, ஈச்சனாரியில்  அமைந்துள்ள இரத்தினம் குளோபல் நிகர்நிலைப் பல்கலைக்கழகத்தில் நடைபெற உள்ளது.

வேலைநாடும் மனுதாரர்கள் www.tnprivatejobs.tn.gov.in என்ற இணையதளத்தில் candidate login ல் விவரங்களை பதிவு செய்தல் வேண்டும்.

கோயம்புத்தூர் மாவட்டம் 2026-2027 -ஆம் நிதியாண்டிற்கான தினக்கூலி ஊதிய நிர்ணயம்

கோயம்புத்தூர் மாவட்டத்தில், இந்திய மக்கள் தொகைக் கணக்கெடுப்பு 2027-இன் முதல் கட்டமான வீடுகள் பட்டியலிடல் மற்றும் வீட்டுக் கணக்கெடுப்பு (HLO) நடைபெறவுள்ளன. பொதுமக்கள் 17.07.2026 முதல் 31.07.2026 வரை https://se.census.gov.in இணையதளம் மூலம் சுய கணக்கெடுப்பு (Self-Enumeration) செய்து கொள்ளலாம். அதனைத் தொடர்ந்து 01.08.2026 முதல் 30.08.2026 வரை கணக்கெடுப்பாளர்கள் வீடுகளுக்கு நேரில் சென்று கணக்கெடுப்பு பணிகளை மேற்கொள்வார்கள். சுய கணக்கெடுப்பை நிறைவு செய்த பின்னர் கிடைக்கும் 12 இலக்க எண்ணை பாதுகாப்பாக வைத்திருந்து, கணக்கெடுப்பாளரிடம் வழங்கி விவரங்களை உறுதி செய்யுமாறு கேட்டுக்கொள்ளப்படுகிறது. மக்கள் தொகைக் கணக்கெடுப்பு பணி முழுவதும் டிஜிட்டல் முறையில் நடைபெறுவதால், கோயம்புத்தூர் மாவட்ட பொதுமக்கள் அனைவரும் சுய கணக்கெடுப்பில் பங்கேற்று, கணக்கெடுப்பு பணிக்கு தங்களது முழு ஒத்துழைப்பை வழங்குமாறு அன்புடன் கேட்டுக்கொள்ளப்படுகிறது.

கோயம்புத்தூர் மாவட்டம், கோயம்புத்தூர் வடக்கு வட்டம், கோயம்புத்தூர் மாநகராட்சிக்குட்பட்ட விளாங்குறிச்சி கிராமத்தில் 1,608 சதுர மீட்டர் (39.73 சென்ட்) பரப்புள்ள நிலத்தை ‘எஸ்’ வளைவினை சரிசெய்து நேராக சாலை அமைக்க பொது நலப் பயன்பாட்டிற்காகத் தேவைப்படுவதாக அரசு கருதுகிறது.

கோவை மாவட்ட தன்னார்வ இரத்த தான முகாம் அட்டவணை ஜூன் 2026 முதல் மே 2027 வரை.

ஒருவழிச் சாலைகளின் விவரங்கள் – கோயம்புத்தூர் மாவட்டத்தில் 2025